משלי ג

1. בני תורתי אל תשכח ומצותי יצר לבך

2. כי ארך ימים ושנות חיים ושלום יוסיפו לך 

3. חסד ואמת אל יעזבך קשרם על גרגרותיך כתבם על לוח לבך

4. ומצא חן ושכל טוב בעיני אלהים ואדם

5. בטח אל יי בכל לבך ואל ביתך אל תשען 

6. בכל דרכיך דעהו והוא יישר ארחתיך 

7. אל תהי חכם בעיניך ירא את יי וסורמרע 

8. רפאות תהי לשרך ושקוי לעצמותיך 

9. כבד אתיי מהונך ומראשית כל תבואתך

10. וימלאו אסמיך שבע ותירוש יקביך יפרצו

11. מוסר ייבני אל תמאס ואל תקץ בתוכחתו

12. כי את אשר יאהב יי יוכיח וכאב את בן ירצה

13. אשרי אדם מצא חכמה ואדם תבונה

14. כי טוב סחרה מסחר כסף ומחרוץ תבואתה

15. יקרה היא מפניים וכל חפציך לא ישוו בה 

16. ארך ימים בימינה בשמאולה עשר וכבוד 

17. דרכיה דרכי נעם וכל נתיבותיה שלום

18. עץ חיים היא למחזיקים בה ותמכיה מאשר

19. יי בחכמה יסד ארץ כונן שמים

20. בדעתו תהומות נבקעו ושחקים

21. בני אל ילזו מעיניך נצר לשיח ומזמה 

22. ויהיו חיים לנפשך וחן לגרגרתיך

23. אז תלך לבטח דרכך ורגלך לא תגוף

24. אם תשכב לא תפחד ושכבח וערבה שנתך

25. אל תירא מפחד פתאם ומשאת רשעים כי תבא

26. כי יי יהיה בכסלך ושמר רגלך מלכד 

27. אל תמנע טוב מבעליו בהיות לאל ידיך לעשות

28. אל תאמר לרעיך לך ושוב ומחר אתן ויש אתך

29. אל תחרש על רעך רעה והוא יושב לבטח אתך

30. אל תרוב עם אדם חנם אם לא גמלך רעה

31. אל תקנא באיש חמס ואל תבחר בכל דרכיו

32. כי תועבת יי נלוז ואת ישרים סודו

33. מארת יי בבית רשע ונוה צדיקים יברך

34. אם ללצים הוא יליץ ולעניים יתן חן

35. כבוד חכמים ינחלו וכסילים מרים קלון